"မေတ္တာတွေဒီလောက်ပေါနေရင်အရပ်ရှစ်မျက်နှာမေတ္တာထိုင်ပို့နေ
ကျုပ်လူဆီလာမရှုပ်နဲ့"
စံမောင့်ခြေလှမ်းကျဲကြီးတွေနဲ့လျှောက်သွားပြီးအပိုင်ခါးအားဖက်လိုက်သည်
မျက်နှာကတော့လွန်စွာမာတင်းနေလျက်ပေါ့
အပိုင်ကိုစိတ်မချလို့တစ်ချိန်လုံးသူရိပ်တကြည့်ကြည့်နေတာ
ဟိုကောင်အပိုင့်ကိုအသားယူတာသူအစအဆုံးမြင်တယ်
ဟန်သာကလည်း အပိုင့်ခါးမှစံမောင့်လက်ကိုကြည့်ပြီး
အံတင်းတင်းကြိတ်လိုက်သည်
သူဟာဘယ်သူနဲ့ပဲရှုပ်ရှုပ် ဘာပဲလုပ်လုပ်အပိုင်ဟာအမြဲသူ့အပိုင်ဖြစ်နေရမယ်လို့ခံယူထားတာ
"မင်းကဘယ်သူလဲ"
" သူ့လင်..."
"လာနောက်နေတာလား...."
"ဟ! ကျုပ်တို့လက်ထပ်ထားတာတစ်ရွာလုံးသိတယ်..."
အချေအတင်ဖြစ်နေကြတာကြောင့် လူအများကအပိုင်တို့ကိုအာရုံစိုက်လာကြသည်
အပိုင်မှာပြသနာအကြီးအကျယ်တက်မှာဆိုးလို့သူ့ခါးကစံမောင့်လက်ကိုကိုင်ကာ
"ငါတို့ပြန်ရအောင်" ဟုခပ်တိုးတိုးပြောလိုက်သည်
"ဘာတွေဖြစ်နေကြတာလဲ..."
ဆရာတော်ကရုတ်ရုတ်သဲသဲအခြေအနေကြောင့်အနားကိုကြွလာကာမေးမြန်းလေတော့သည်
"ဒီကောင် ကျုပ်လူကိုကြောင်တောင်နှိုက်ဖို့ကြိုးစားနေတာ"
"ဒကာလေးအထင်လွဲစရာတစ်ခုခုရှိတယ်ထင်တယ်
ဟန်သာကဆရာတော့်တူပါ "
"ကျုပ်အထင်လွဲတာမဟုတ်ဘူး ဒီကောင်ကကျုပ်လူကိုမေတ္တာရှိတယ်လို့ပြောနေတာသေချာကိုကြားတယ်"
ဒကာလေးစံမောင်ကဆိုးနေမိုက်နေပါစေ ဘယ်တော့မှလိမ်မပြောဘူးဆိုတာဆရာတော်သိသည်
ဒါကြောင့်တူဖြစ်သူမျက်နှာအားအကဲခတ်ကြည့်လိုက်သည်
တူဖြစ်သူမျက်နှာထက်မှာ ဒကာလေးအပိုင်အပေါ်လိုချင်လောဘတွေကိုတွေ့မြင်နေရသည်
ဘယ်သူ့အမှားလည်းသိသွားပေမဲ့ ပြသနာမတက်အောင်ထိန်းမှဖြစ်မှာမို့
"ဒကားလေးစိတ်လျှော့ပါ ဆရာတော်မျက်နှာကိုထောက်ပြီး
ပြသနာကိုဒီမှာတင်ရပ်တန့်ပေးဖို့တောင်းဆိုပါတယ်"
YOU ARE READING
သူဖန်ဆင်းသောချစ်ဖူးစာ《စာလုံးပေါင်းပြန်မစစ်အားသေးပါ ပြင်ဖတ်ပေးကြပါ》
Romanceဤဇာတ်လမ်းပါအကြောင်းအရာများသည်စာရေးသူ၏စိတ်ကူးယဥ် ပုံဖော်မှုသာဖြစ်သည် chaများ ၏nameဖြစ်စေဇာတ်လမ်းပါအကြောင်းအရာတစ်စုံတစ်ခုဖြစ်စေတိုက်ဆိုင်မှုရှိပါကလာရောက်ပြောကြားနိုင်ပါသည် စာရေးသူဘက်ကချက်ချင်းပြင်ပေးပါ့မယ်
